Mark Shuttleworth

Mark Shuttleworth
Gebore	Mark Richard Shuttleworth 18 September 1973 Welkom, Vrystaat, Suid-Afrika
Nasionaliteit	Verenigde Koninkryk  Suid-Afrika
Beroep	entrepreneur
Webwerf	www.markshuttleworth.com

Mark Shuttleworth (gebore 18 September 1973 in Welkom) is 'n Brits-Suid-Afrikaanse (weens dubbele burgerskap)^[1] entrepreneur wat hom in 2001 in Londen,^[2] en vanaf 2008 op die Man-belastinghawe gevestig het.^[3] Na bewering was hy in 2015 die sesde rykste inwoner van Man, met 'n vermoë van £160 miljoen.^[4] Hy staan veral bekend vir die groot wins wat hy in 1999 op 26-jarige ouderdom uit Thawte, 'n internet-handelsveiligheid-firma gemaak het.^[2] In 2002 was hy ook 'n vroeë ruimtetoeris, en gevolglik die eerste burger van 'n Afrika-land in die ruimte. Shuttleworth het in 2009 aangedring om R1.5 miljard sonder 'n 10% oordragheffing uit Suid-Afrika te neem, wat vanaf 2013 uitgeloop het op sy reeks regsgedinge teen die SA-owerhede. In 2015 het die Konstitusionele Hof egter teen hom beslis.^[3][5]

1. ↑ Verwysingfout: Invalid <ref> tag; no text was provided for refs named tech
2. ↑ ^{2,0 2,1} Success, Issue 12^{[dooie skakel]}, Legacy Hotels, Legacy Inspires, 2017
3. ↑ ^{3,0 3,1} Mark Shuttleworth loses court bid Geargiveer 3 Oktober 2018 op Wayback Machine, Destiny reporter, Destiny, 18 Junie 2015
4. ↑ Island's richest revealed, Joanne Clague, Isle of Man News, 24 April 2015
5. ↑ Shuttleworth loses R250m exchange control battle^{[dooie skakel]}, fin24, 18 Junie 2015